قصص من الواقع لا تذل شخص ما فقد يأتي يوم وتنجبر لتقبل راسه..
( بسم الله الرحمن الرحيم)

قصص من الواقع لا تذل شخص ما فقد يأتي يوم وتنجبر لتقبل راسه..

أفراد الأسره
ابو محمد
ام محمد
محمد : ثالث ثانوي
ساره : اولى ثانوي
الشغاله ميري : اندونيسيه عمره 50

محمد ينادي الشغاله : ميري ميييييييييري وصمخ تعالي
وين الشاهي لي ساعه انتظرك ما صار شاهي
ميري : شويا بس الحين خلص
محمد : يالله بسررررررررعهطبعأ محمد انواع الفضاوه ومستقعد على هالمسكينه
وبعد ما جابت ميري الشاهي محمد : ليش ما حطيتي سكر اكثر شوي
ميري : طيب الحين اناجيب سكر

وتزود له الا شوي يقول ليش كذا زودتي مرررره روحي صلحي لي مره ثانيه
وعلى هالحال هذي حالة محمد مع شغالتهم مع ان المسكينه كبيره وبعمر امه
ما بقا شي من انواع الذل ما سواه محمد لشغالتهم ميري
بالمقابل ساره اخت محمد تعامل ميري باحسن معامله
وكانت دايم تجلس معاها وتطبخ معاها
وكانت ميري تعطي ساره صور لعيالها في اندونيسا وصور لمناظر طبيعيه مرررره تجنن في اندونيسيا
طبعأ الوقت هذا باقي اسبوعين على الاختبارات النهائيه

ابو محمد : محمممممممد ساااااااااااره
وبعد ما جلسوا
الحين تدرون يا عيالي انه ما بقا الا أسبوعين على الاختبارات وابيكم تشدون حيلكم
ووعد مني اللي يجيب النسبه الأحسن يختار البلد اللي تبون نسافر له
طبعأ محمد يجيه أنواع الاحباط يدري ان اخته ساره احسن منه بالدراسه وبفرق كبير

وبأيام الاختبارات تسافر ميري لديرته اندونيسا

وبعد ما خلصت الاختبارات محمد نسبته 80 وساره 90
ساره طايره من الفرح لانه هي اللي بتختار المكان اللي يسافرون له
وبعد ما شاف ابو محمد النتائج : هاه يا ساره وين تبين نسافر له
ساره : والله اني للحين ما فكرت الصراحه بس ان شاء الله بعلمك بأقرب وقت
ساره راحت للمطبخ وتذكرت شغالتهم ميري وتذكرت الصور اللي شافته مع ميري
وجت هالفكره ببالها : ليش ما أقول لابوي نسافر لاندونيسيا
وراحت تركض لابوها
ساره : بابا بابااااا <<< يا ليييييييل الدلع ههههههه
ابو محمد : امري يا بنـيتي
ساره : تسلم بس خلاص انا فكرت وين نسافر
ابو محمد : ايوه بشري وين ؟

ساره : اندونيسيامحمد : لالالالالالالا وين مهبوله انتي اندونيسيا
ابو محمد : والله يمدحون اندونيسيا يقولون ان به طبيعه مررره زينه وبعدين يا محمد نسيت اني قايل اللي يجيب النسبه الزينه هو اللي يختار وين نسافر
محمد : ايه ما قلنا شي عاد مب اندونيسيا
ابو محمد : خلاص ان شاء الله انا بصلح الجوازات ويصير خير
وبعد يومين ابو محمد ينادي عيالهابو محمد : خلاص ان شاء الله يوم الاحد الجاي طيارتناام محمد : وكم بنجلس هناك
ابو محمد : يعني تقريبا اسبوع الى عشر ايام
ام محمد : الله ييسر
وبعد اسبوع العائلة متجهزه وراكبين مع اجره للمطار
وبعد ما وصلوا المطارمحمد : كانه تونا يابوي على الرحله
ابو محمد : باقي تقريبا ساعه
وهم يحملون الشنط محمد يقول لابوه : خذ جوالي خله بالشنطه
ابو محمد : خله معك يمكن تحتاجه
محمد : اصلن بالمطار ممنوع الجوال <<< مسوي ماشي على الأنظمه ههههههه



ابو محمد : خلاص على راحتك وبعد ربع ساعه تقريبا محمد يشوف له كم بنيه على قولتهم يطيحن الطير من السماء
محمد : انا بروح اتمشى شوي <<< صح التصريف
ابو محمد : وين تبـي ما بقا الا شوي وبعدين ما معك جوالك
محمد : عادي اذا سمعتهم ينادون للرحله على طول بروح الطياره والقاكم بالطياره
ابو محمد : خلاص بس لا تبعد
محمد قعد يدور ويلاحق ورا البنات وتقريبأ صار بعيد عن اهله


ساره : احس بطني يوجعني وراسي مررررره مصدع
ابو محمد : اجلسي على الكرسي وان شاء الله ما فيك الا العافيه
ساره وهي تمشي تطيح مغمى عليه
وتنهبل ام محمد وابو محمد
ومن الروعه اخذوا ساره وعلى طوووول للمستشفى ونسوا ولدهم محمد
محمد يسمعهم ينادون للرحله
وبعد ما ركب الطياره جلس يدور اهله المضيفه : اجلس خيو راح تقلع الطياره
محمد يفكر براسه : امممم الطياره كبيره واذا مشينا ان شاء الله ادورهم
وبعد ما أقلعت الطياره
محمد راح يدور أهله ويتفاجأ أنه ما يلقا أحد منهم
ومحمد طبعأ ما معه جواله
ومن زود الاهتمام طبعأ حتى أرقام ابوه وامه ما حفطها
محمد : اذا وصلنا هناك يحله الف حلال
وبالطياره محمد ضايق صدره ولا يدري وش يزين


وبعد ما وصلوا المطار
ينزل محمد من الطياره
وبالمطار يتفاجأ محمد بوجود شغالتهم ميري بالمطار
ميري جايه تستقبل وحده من اقاربها جايه من البحرين
محمد يروح يركض لها ويقول هلا ميري
ميري متفاجأه من محمد
ميري : كيف انتا اجي هنا
محمد يشكي لميري الحال ويعلمها عن القصه
ميري : خلاص ما فيه مشكله انا في بيت موجود رقم بابا انتا
محمد يروح معها لبـيتهم ويكلم ابوه ابو محمد يعلم محمد وش صار عليهم
محمد : طيب انا الحين وش اسوي
ابو محمد : لا تشيل هم انا بحجز لك على أقرب طياره وترجع للرياض
محمد : تكفى باسرع وقت تراي خايف


وبعد ساعتين يتصل ابو محمد على محمد ويقوله ان حجز الطياره بعد ثلاث ايام
ميري : ما فيه مشكله انتا اجلس عند انا بيت
محمد يتذكر اللي كان يسويه بشغالتهم وانواع الذل بها
محمد بكل خجل يبوس راس شغالتهم ويقول انا اسف

استفد من القصه ولا تذل شخص ما فقد يأتي يوم وتنجبر لتقبل راسه

شكرا لك
قصة معبرة فعلا اخى
بارك الله فيك

روعه موضوعك .. يسلمووو ويعطيك آلعآفيهه ^^